7-8 saal India ke bahar badi badi companies ke saath jobs aur business karke jab main Bharat wapas aaya. Kuch samay toh maine HNI clients jaise businessmen, politicians, C-level executives ko train kiya kyuki paisa aur exposure kaafi accha milta tha. Par jab beech me maine kuch Small Towns ke logon ko train kiya toh samajh aaya ki inki bhukh bhi utni hi badi hai par inhe ek right mentorship nahi mil rahi. Soft Skills aur Mindset improve karne ki baat karne wala door door tak nahi hai. Jab woh apne aap se agey badhne ki sochte hai toh unhe ek hi zariya milta hai woh hai ‘Self-Help books’. Par jab woh padhna shuru karte hai toh unhe books English aur western examples par based milti hai jinse woh relate nahi kar paate aur padhna chhod dete hain. Isi ke saath unki personal growth ki journey ruk jaati hai aur ghar ke kisi kone me woh kitaab ek show piece bankar reh jaati hai. Aap jaan kar hairaan hojaoge ki Bharat ki 90% population ache se English bol aur samajh nahi paati hai.
63.6% population Tier-2/3 cities aur small towns (gaon) mein rehti hai, aur lagbhag 5 me se 1 insaan low self-esteem se joojh raha hain.

Reason? Cultural pressure, parenting styles, tough competition, social media par dusro ko khoobsurat zindagi aur bullying ki wajah se unki self-worth roz challange hoti hai.
Isi gap ko bridge karne ke liye, main—Jai Pareek, aapka bhai—is kitaab me

• 30 personal stories (Kishangarh se nikal kar 8 desh, 15 jobs aur 6 businesses ke leanings, experiences aur struggles.)
• 50+ Soft Skills, aur
• Easy growth tools jaise (Setback Tracker, Elevator-Pitch Drill, Adaptability Score, Pause–Name–Change drill, gratitude journaling, HEART Routine, Self assessments and worksheets) ke through minimum 10 lakh small-towners tak pohochna chahta hu.